185
djinten sedikit sadja, djae, itoe samoea misti giling haloes dan toemis sama minjak klapa baroe, dia poenja ikan misti goreng sampe koening, dan masokin di mana itoe toemisan boemboe, abis siram tjoeka djawa dan irisin tjabe, masak sampe mendidih sekali, abis angkat.
Masak kodok.
Ambil kodok barang lima poeloeh, dia poenja boemboe, bawang poeti satoe mangkok sajoer, ambil djae doea pottong besar, itoe bawang poeti toemboek haloes, goreng sama minjak babi, taroh tautjo barang satengah bottol, kaloe itoe kodok soedah bresih masokin dalam itoe minjak, abis goreng sampe matang, taroh daon bawang haloes dari atas.
Ajam orang boegis.
Ambil ajam bijang jang gemok, kaloe soedah bresih dan taroh di dalam penggorengan, sama bawang merah antero, di koepas satoe piring poenja banjak, doea bidji bawang poeti tjampoer sama itoe ajam, ambil satoe klapa, dan peras ambil santannja masak sama itoe ajam, kapan itoe ajam soedah matang angkat dari api, abis ambil trasi sama goela djawa, dan asam, sama sedikit itoe koeah ajam adoek sama-sama, dan taroh tjengké, sedikit atau lima lembar kembang pala antero, ampat atau lima pottong
