179
pan soeka pake miso dan ketjap dan djangan pake asam.
Masak sambal Boetjak.
Ambil tjabe barang ampat poeloeh, boeang dia poenja bidji, abis ambil kemiri barang tiga poeloeh bidji abis giling sama itoe tjabe jang haloes sekali, dan iris bawang merah, dan bawang poeti abis toemis, kaloe soedah satengah matang ambil seré, daon salam, daon djeroek poeroet, dan itoe kemiri sama tjabe misti goreng sama itoe bawang, abis taroh santan jang kentel taroh di itoe kemiri, dan masak sampe kaloear minjak abis angkat.
Sesaté Babi dari Djawa.
Ambil babi pottong ketjil-ketjil, kaloe soedah taroh boemboenja, koenjit di bakar sapottong, katoembar, djinten, bawang merah, bawang poeti, langkowas, seré, kemiri, trasi, asam, tjabe, garam sedikit, dan goela djawa sedikit sama daon djeroek poeroet, kaloe soedah, giling haloes sekali, dan taroh santan kentel, abis ambil itoe babi adoek sama itoe boemboe, dan abis toesoek di soedjen dan panggang tempo-tempo misti siram sama itoe lebian boemboe sampe matang.
Sesaté Daging asam manis.
Ambil daging jang gemok sekali, sampi, karbo
