168
Atjar tjampoer adoek.
Ambil pepaja moeda, abis pottong haloes-haloes, boontjis, katjang, klongkang, tjabe, lobak, daon lobak, tetapi misti pottong-pottong satoe djari pandjangnja, dan daon kool, abis sedoe samocanja sama aijer panas dahoeloe, kaloe soedah, misti peras buik-baik, biar dia poenja aijer toeroen, dan abis taroh garam barang satoe malam lamanja, kaloe soedah djemoer, danambil djae, bawang poeti pottong haloes-haloes, abis tjampoer sama sekali, dan koenjit jang soedah di bakar, dan giling haloes sama mostardi, abis toemis sama minjak Wollanda, kaloe soedah masak tjoekanja sampe mendidih baik-baik, dan kaloe soedah mendidih, angkat, dan bikin dingin, abis kasih masok dis poenja atjar.
Lain roepa.
Sajoernja katjang pandjang, tougé, katjang boontjis, klongkang, kool, iris-iris samoeanja, rames sama garam taroh di panas sampe kring, boemboenja bawang merah, bawang poeti, djae, koenjit, kemiri, toemboek sampe haloes, ambil satoe kwali, taroh sedikit minjak klapa, goreng itoe boemboe, Jantas taroh tjoeka barang satos bottol, masak sampe mendidih, angkat, kaloe soedah dingin taroh itoe sajuer jang soedah di djemoer.
