Halaman:Kokki Bitja 1864.pdf/164

Dari Wikisumber bahasa Indonesia, perpustakaan bebas
Halaman ini tervalidasi

151

dan boengkoes baik -baik, djangan sampe boleh kaloear; ini kwé kaloe maoe masak misti koekoes.

Kwé Mangkok.

Ambil adoek bras dan sama goela, bikin tepong, itoe tepong dan misti pake goela passir; kaloe soedah taroh di mangkok, abis ambil satoe kwali dan taroh aijer, itoe aijer bikin mendidih dahoeloe, kaloe soedah mendidih kasih masok itoe kwé sama-sama mangkoknja, dan masaksampe matang, kaloe soedah matang, angkat dan bikin dingin, abis ambil satoe klapa, dan paroet, kaloe makan misti makan sama klapa jang soedah di paroet.

Kwé Talam.

Ambil bras doea batok dan bikin tepong da hoeloe; abis paroet klapa dan bikin aijer santan; kaloe soedah ambil tiga kerek goela djawa, dan tjampoer sama-sama itoe tepong dan adoek sama sekali sama itoe aijer santan, abis saring sama kain, abis taroh dalam tampat masakannja, dan lantas masak sama dia di dalam satoe kwali wadja; tetapi itoe kwali wadja misti taroh aijer dahoeloe dan bikin mendidih; dan kaloe soedah, kasih masok itoe kwé sama tempatnja, dan lantas masak sampe matang; kaloe soedah, bikin aijer santan jang kentel sekali dan taroh di atasnja.