105
moeanja toemboek haloes, abis tjampoer sama bawang dan goreng sama sedikit mantega, taroh di dalam itoe nasi, dan itoe ajam lagi masak sama itoe nasi, sampe kira hampir maoe matang, taroh satoe glas besar penoeh karnemelk, tjampoer baik - baik dengan itoe nasi , dan masak sampe kring , boleh taroh lagi sedikit aijer mawar .
Nasi Oelam.
Anbil satoe batok bras, tjoetji bresih, masak satengah matang, ambil satoe klapa paroet, taroh sedikit aijer dan garam, rames biar kaloear santan kentel, adoek sama itoe nasi jang satengah matang, taroh daon djeroek poeroet, daon pandan, masak kombali sampe matang itoe nasi, kaloe soedah matang boeang itoe daon djeroek dan pandan, itoe nasi taroh satoe basi, goreng telor pottong-pottong taroh di atasnja, ikan teri kring goreng, taroh di atasnja, pottong-pottong katimoen dan daon kemangi, taroh di atas-itoe nasi; soedah boleh makan.
Nasi Koening.
Ambil satoe batok bras, tjoetji bresih, ambil satoe klapa paroet rames ambil santan kentel, sapottong koenjit toemboek peras ambil aijernja, adoek sama itoe bras dan santan klapa, taroh daon pandan, daon djeroek poeroet, taroh di kwali masak sampe matang.
