102
lebih dahoeloe itoe bras misti di tjoetji bresih sekali; kaloe soedah bresih misti bikin kring dia poenja aijer, dan kaloe itoe bras soedah djadi kring, sama sekali masokin di dalam satoe wadja, dan masokin dia poenja boemboe-boemboe, lada jang belom di bikin haloes, kembang pala, bidji pala, kaijoe manis Wollanda, tjengké dan sedikit djae, taroh sama-sama itoe bras, dan abis goreng itoe bras sampe kalihatan rengat-rengat atasnja; abis ambil itoe ajam poenja koeah sedang masi panas, dan siram atas itoe bras, tetapi djangan terlaloe banjak atau terlaloe sedikit, oekoer dia poenja banjak satoe roeas poenja tinggi dan abis toetoep baik-baik, kaloe soedah kring, baroe toetoep sama daon pisang.
Kaloe maoe taroh itoe bras, itoe aijer ajam misti di tapis dahoeloe, dan baroe taroh sama dia.
Lain roepa.
Ambil satoe ajam gemok, reboes sampe separo matang dan angkat dari aijer, taroh di tatjoe, goreng dengan mantega sampe merah, abis ambil bras jang poeti toemboek bresih, ren dam doea djam poenja lama di aijer, dan ambil satoe pond mantega Wollanda, kasih maleleh kaloearin garamnja, abis taroh di pan kasih mendidih, abis taroh itoe bras jang soedah di rendam dalam itoe mantega, kapan liat itoe
