Nan tampak dek badan kau ko
Tunjuakkan juo lah bakeh hambo
Buliah kito tuju ka sinan
Ka kion kito arahkan
Bia di mano tibonyo
Malah lah tibo di dareknyo
Nak tibo diateh bumi
Sanang juo hati kito
Pado dalam lauik gadang ko."
24. Pado saat maso itu
Lah diarahkan sampan ka sinan
Dek diri Maulana Karim
Pandang jauah nyo layangkan
Pandang dakeknyo tukiakan
“Iyo pulo tu kironyo
Bukan pandang kau nan salah
Bukan panca akan nan sasek
Hambolah manampak puto
Kok iyo tu gunuang kironyo
Ka kiun lah kito tuju
Arah sinan lah kito arah."
Katonyo Maulana Karim
25. Tibo andai dek andehnyo
Banama Puti Sar Banun
"O Tuan Maulana Karim
Malah baitu kato tuarn
Cabolah arah ka kiun
Tujulah laia ka sinan.”
Dek dir Maulana Karim
Lah ayo tuju parairan
Alah sananta duo banta
Lah gadang duo saat
Dalam laik nan gadang tu
Lah ayo tuju parairan
Arah ka gunung nan tampak ta
23
