3
KABA
PUTI NILAM TJAJO
dengan
DANG TUANKU GOMBANG ALAM
Alai alai tabang ka Alai
Tabanglah pipik duo tigi
Tabang ka ateh bungo rajo
Hinggok dikaju marapalam
kaba lah lamo tabangkalai
Kini diulang ulang pulo
Tjurito hikajat Nilam Tjajo
Sarato Dang Tuangku Gombang Alam
kaik bakaik rotan sago
takaik diaka baha
Kapa balaia ka Bangkahulu
Mulo Kalangkaik tabarito
Djatuah kabumi djadi kaba
Tjurito urang nan dahulu
Rami pakan Sungai Landai
Banjak mandjua aso aso
Dibao nak urang Ulakan
Bukan toh hambo tjadiak pandai
Kok ado kato kurang mardeso
Hambo nan usah digalakkan
Pado maso dahulunjo dalam nagari Sari bunian pasa nan sadang rami bana rami diurang djua bali hari nan sadang tangah hari paneh sarupo mambalah banak
Ada baduo laki bini urang mularaik sangaik miskin badju dibadan tjumpang tjamping kain lah barek dek panumbok badannjo kuruih kurang makan masuk pasa kalua pasa mantjari siso nan tabuang untuk dimakan ubek litak Sudah takadia buruak untuang urang nan banjak bangih berang surang tidak manaruah hibo bantjil mantjaliak kasamonjo ado mamungkang djo mambae dipungkang dibaek djo batu