Halaman:Kaba Puti Nilam Tjayo dengan Dang Tuanku.pdf/10

Dari Wikisumber bahasa Indonesia, perpustakaan bebas
Halaman ini telah diuji baca

8

gari karano Radjo kabaralek alek gadang dalam nagari sibuik urang bakaradjo kakok buatan surang surang satangah mambuek gaba gaba pintu gadang masuak ustano tapasang pandji pandji bamatjam matiam ragam ruponjo salo manjalo djo marawa bagaluang tirai putjuak anau tiok tunggak bari babungo sangaik elok dipandang mato.

Kalau diliek dalam uatano dalam ustaio nan gadang takambang lapiak parmadani parmadani buatan Masia kasua manggalo tapi dindiang baralek dengan tika biludu biludu suto maftjam ragi tampek duduak basa basa sarato Dubalang djo Mantari takambang tirai langik langik tirai baukia putjuak rabuang putjuak rabuang barnatjam ragi Sirah putiah djo limbajuang sarato kuniang biru hidjau sangaik rantjak dipandang mato tabia tapasang maso itu tabia biludu merah tuo baturab baukia banang ameh rupo ustano raso katabang lampu gantuang barantai ameh lampu barangkai bak bungo kambang.

Kan io samaso itu datang urang nan barjak nan djauh datang bakudo nan hampia alah tibo alek dan sangaik rami bana pupuah djo sabtang mandjadi djadi tundo batundo bulu ajam siriah mandjadi sarok balai gambia mandjadi tanah Ilek bunji sorak bak katabang.

Bamatjam matjam parmainan ado barabab baku tjapi ado basaluang puptik baranak ado talempong djo aguang satangah barandai tari piriang ado basilek tari sewah bamatjam parmainan nan mudo mudo,

Kalau diliek dalam ustano rami dek anak radjo radjo sarato Pangutu djo Sutan sutan bamatjam matjam pasambahan sambah balega maso itu tikam batikam pasambahan surang arif surang piawai sangaik pandai urang manjambah.

Lorong kapado Gombang Alam sadang tidua di