ken kamoe doeloe, dan sadiaken pemberian kamoe jang didjandji doeloe, sopaja bolih sadia, ija-itoe saperti berkat, boekan saperti satoe kikiran.
6. Tetapi inilah katakoe: {Ams 11:24; Gal 6:7} Bahoea orang jang menaboer dengan kikir itoe, dengan kikir djoega dia nanti koempoelken; dan orang jang menaboer dengan kamoerahannja, dengan kamoerahan djoega dia nanti koempoelken.
7. Masing-masing biar kasih sebagimana soeka hatinja; {Ula 15:7; Rom 12:8} boekan dengan soesah, atawa dengan dipaksa, {Kel 25:2; 35:5} karna Toehan Allah tjinta sama orang jang kasih dengan soeka-hati.
8. Maka Allah itoe berkoeasa memperbanjakken segala kasihan itoe bagi kamoe, sopaja kamoe, sebab slamanja mendapet segala perkara dengan satjoekoepnja, bolih ada lebih, jang dipake dalem segala perboewatan jang baik.
9. Saperti jang ada tersoerat: (Maz 112:9) Maka dia soedah menaboer koeliling; dia soedah kasih sama orang miskin; kabenerannja tinggal sampe salama-lamanja.
10. Maka Toehan jang kasih bidji sama orang jang menaboer, dan redjeki akan dimakan, ija-itoe nanti kasih bidji djoega sama kamoe dan memperbanjakken dia, dan menambahken boewah-boewah kabetjikanmoe:
11. Sopaja kamoe djadi kaja dalem segala perkara akan segala kamoerahan, jang mengadaken olih kita soekoer sama Allah.
12. Karna ini pakerdjaan pembrian boekan menoeloeng sama kakoerangan orang salih sadja, melainken menambahken djoega bebrapa soekoer sama Allah.
13. Karna sebab ini pakerdjaan jang soedah ditjobai, dia-orang memoeliaken Allah dari sebab toeroet pengakoean ibadatmoe sama indjil Kristoes, dan dari sebab kamoerahan pemberianmoe sama dia-orang dan sama orang samowanja.
14. Maka dari sebab permintaan doa orang itoe akan kamoe, sedeng dia-orang kepingin bertemoe sama kamoe, dari sebab kasihan Allah jang amat banjak atas kamoe.
15. Maka soekoer sama Allah dari sebab kasihannja jang tiada terkata-kataken habis adanja.
FATSAL X.
1. Bahoewa sakarang akoe ini Paoel minta sama kamoe, dengan sabar dan kamoerahan Kristoes, akoe jang rendah kapan akoe di-antara kamoe, tetapi brani sama kamoe kapan akoe djaoe;
2. Maka akoe djoega minta sama kamoe, sopaja kapan akoe di-antara kamoe, djangan akoe brani dengan katantoean, saperti akoe ada ingetan djadi brani sama bebrapa orang, jang kiraken kita ini menoeroet hawa-napsoe.
3. Karna maski kita hidoep dalem satoe badan jang bernap-
