Halaman:KORINTHI.pdf/27

toes tiada dibangoenken, soenggoeh tjoema-tjoema kamoe pertjaja, dan lagi kamoe masih tinggal dalem dosamoe,
18. Dan tjilaka djoega itoe orang, jang soedah mati dalem Kristoes.
19. Maka kaloe dalem hidoep ini sadja kita-orang taroh harap sama Kristoes, soenggoeh kita-orang lebih tjilaka dari segala manoesia;
20. Tetapi sakarang {1Pe 1:3} Kristoes soedah dibangoenken dari matinja, dan mendjadi {Kol 1:13; Wah 1:5} boewah jang pertama dari segala orang jang soedah mati.
21. Karna saperti dari sebab sa-orang manoesia {Kej 2:17; 3:6; Rom 5:12,18; 6:23} soedah dateng mati, bagitoe djoega dari sebab sa-orang manoesia kabangoenan dari mati itoe dateng.
22. Karna saperti segala manoesia mati dalem Adam, bagitoe djoega segala manoesia nanti dihidoepken kembali dalem Kristoes.
23. Tetapi masing-masing dalem peratoerannja: jang pertama ija-itoe Kristoes, lantas segala orang jang Kristoes poenja pada hari kadatengannja.
24. Habis bagitoe nanti djadi kasoedahan, kapan Dia serahken itoe karadjaan sama Allah, ija-itoe Bapa; {1Ko 2:6} kapan Toehan soedah meniadaken segala pemarentahan, dan kabesaran, dan pengoewasaan;
25. (Maz 110:1; Kis 2:34; Efe 1:20; Kol 3:1; Ibr 1:13; 10:12) Karna saharosnja Toehan djadi Radja sampe soedah ditarohken segala satroenja dibawah kakinja.
26. Maka satroe jang pada kasoedahan dibinasaken, ija-itoe {Maut= mati} maut.
27. (Maz 8:7; Mat 11:27; 28:18; Efe 1:22; Ibr 2:8) Karna Toehan soedah taroh segala perkara itoe dibawah kakinja. Maka kapan dikataken jang segala perkara itoe soedah ditarohken dibawah kakinja, maka njatalah dikatjoealiken Toehan, jang soedah menalokken samowa itoe dibawah prentahnja.
28. Maka kapan segala perkara soedah ditalokken dibawah prentahnja, tatkala itoe jang Anak sendiri djoega nanti talok dibawah prentah Toehan, jang soedah menalokken segala perkara itoe dibawah prentahnja, sopaja Allah djadi samowa dalem samowanja.
29. Kaloe lain dari itoe, apatah jang nanti diboewat orang, jang soedah dipermandiken karna orang mati? maka kaloe orang mati tiada sakali-kali dibangoenken, kenapa dia-orang dipermandiken karna itoe orang mati?
30. Dan lagi kenapa kita-orang ini tinggal dalem behaja pada segala waktoe?
31. Demi kapoedjiankoe dari sebab kamoe dengan berkat Jesoes Kristoes, Toehan kita, akoe ini dalem kamatian sahari-hari.
32. Maka kaloe saperti adat orang akoe soedah berlaga sama binatang boewas dinegari Efesoes, apatah goenanja sama akoe, kaloe orang mati tiada dibangoenken? {Yes 22:13; 56:12} Lantas baik