Halaman:JOHANNES.pdf/2

itoe Jesoes Kristoes jang bener;
2. {1Yo 4:10; Rom 3:25; 2Ko 5:18; Kol 1:20} Maka Toehan itoe satoe korban karna dosa kita; dan boekan karna dosa kita sadja, melainken karna dosa {1Yo 4:14; Yoh 4:42} segala isi doenia.
3. Maka sama ini kita bolih taoe, jang kita mengenal sama Toehan, kaloe kita memeliaraken segala parentahnja.
4. {1Yo 4:20} Maka orang jang berkata bagini: akoe mengenal sama Toehan, tetapi tidak dia pliaraken segala parentahnja, maka ija-itoe sa-orang pembohong adanja, dan bener itoe tidak dalemnja;
5. Tetapi barang-siapa jang memeliaraken perkataannja, maka dalemnja djoega sasoenggoehnja tjinta Allah soedah disampornaken; {Yoh 12:35} maka sama ini kita bolih taoe kaloe kita ada dalemnja:
6. Maka orang jang berkata jang dia tinggal dalemnja, {Yoh 13:15; 1Pe 2:21} patoet dia sendiri melakoeken dirinja bagitoe, saperti jang soedah dilakoeken Toehan.
7. Hei soedara-soedara! {2Yo 1:5} boekan akoe menjoerat satoe parentah baroe, melainken satoe parentah lama, jang soedah ada sama kamoe dari permoelaan: adapon parenta jang lama itoe, ija-itoe djoega perkataan jang soedah kamoe dengar dari permoelaan.
8. {Yoh 13:34; 15:12} Dan lagi akoe menjoerat satoe parentah baroe bagi kamoe, jang bener dalem Toehan dan dalem kamoe djoega; karna gelap itoe soedah liwat dan itoe trang bener bertjahja sakarang.
9. Maka orang jang berkata, jang dia ada dalem trang, serta dia bentji sama soedaranja, maka itoe orang ada dalem gelap sampe sakarang.
10. {1Yo 3:14} Maka orang jang tjinta sama soedaranja, {Yoh 12:35} ija-itoe ada dalem trang, dan trada satoe apa dapet mendjatohken dia.
11. Tetapi orang jang membentji sama soedaranja, ija-itoe dalem gelap, dan tidak dia taoe dimana perginja, karna itoe gelap soedah memboetaken matanja.
12. {Luk 24:47; Kis 4:12; 13:38} Hei anak ketjil-ketjil! akoe toelisken bagi kamoe, sebab segala dosamoe soedah di-ampoeni karna nama Toehan.
13. Hei bapa-bapa! akoe toelisken bagimoe, sebab kamoe soedah mengenal sama Toehan jang dari permoelaan. Hei orang moeda-moeda! akoe toelisken bagimoe, sebab kamoe soedah mengalahken sidjahat itoe. Hei anak ketjil-ketjil! akoe toelisken bagimoe, sebab kamoe soedah mengenal sama Bapa.
14. Hei bapa-bapa! akoe soedah toelisken bagimoe, karna kamoe soedah mengenal sama Toehan, jang dari permoelaan. Hei orang moeda-moeda! akoe soedah toelisken bagimoe, sebab kamoe ada koeat, dan perkataan Allah ada tinggal didalemmoe, dan kamoe soedah mengalahken sidjahat itoe.
15. {Rom 12:2} Djangan kamoe tjinta sama ini doenia, atawa sama