― 90 ―
sampingnja, sasa'at itoe djoega, itoe boeaja soeda djato tengkoeroep, oleh kerna di sakoenja ada penoeh sama orang, soeda tentoe sadja soeda gandjel iapoenja peroet hingga ia djadi pangsan.
Tinggal itoe boewaja jang satoenja lagi, siapa itoe waktoe soeda goenaken koetika kosong menjamperin pintoe kamar dan maoe diboeka boeat merat kaloear tapi Lauw Soe Sam sembari balikin badannja goenaken tipoe sauw-tong toei. itoe boewaja sebagi djoega satoe poehoen jang ditebang berdjoempalitan menimpa pada iapoenja laen laen kawan.
Itoe waktoe di sabelah loewar kadengeran banjak soewara kaki jang dateng memboeroe, kamoedian kedengeran soewaranja satoe djongos jang berseroeh dengen keras: „He, toewan Lim(she palsoe jang Soe Sam pake)! ada terdjadi apa begitoe riboet? Apa kaoe berklai sama kaoe poenja tetamoe-tetamoe?“
Lauw Soe Sam tida mendjawab, hanja boeroe-boeroe boeka pintoe kamarnja, kamoedian ia berkata dengen soewara njaring: „Betoel akoe soeda berklai sama ini kawanan boewaja djoedi, tapi iaorang jang berlakoe tjoerang, hingga terpaksa akoe kasi hadjaran pada iaorang semoewa.“
Sehabisnja berkata begitoe, ia lantas tengteng doea di antara itoe boewaja jang ambil oewang dari atas medja, semoea oewang dari kandoengannja dikaloearken dan ditaro lagi di atas medja, kamoedian itoe doea badjingan dilemparken ka atas vloer Tengteng lagi boewaja jang satoenja dan kaloearken djoega semoea oewang dari iapoenja badan, dan lemparken lagi itoe boewaja jang masi tinggal pangsan.
Itoe waktoe Lie Kiat soeda sedar dari pangsannja dan diangkat bangoen oleh itoe doea boewaja jang baroesan kena ditendang olen Soe Sam poenja tipoe
