― 88 ―
Lie Kiat lantas soeroe loanja mengitoeng oewangnja bandar, ternjata ada doewa riboe delapan satoes tail. hingga Lauw Soe Sam boleh pasang toedjoe ratoes tail boewat satoe kali boekahan ini. Lie Kiat jang taoe iapoenja pasangan bakal kalah, dengen poera-poera meraba boengkoesan oewang koenjoeng-koenjoeng ia lepasken itoe boengkoesan oewang ka atasnja itoe prabot djoedi, tapi Lauw Soe Sam jang tida meleng, dengen katjepetan seperti kilat ia sodorken sabelah tangannja menjaga itoe boengkoesan oewang, hingga tida sampe manimpa pada itoe perabot djoedi jang masi belon diboeka, Sebab kaloe sampe kadjadian itoe perabot djoedi tergoeling, bandar ada hak boewat oeroengken itoe pemboekahan, kerna apa jang lebih doeloe ia soeda atoer bidjinja, lantaran tergoeling, tentoe djadi robah.
„Ai! baeknja akoe kabceroe sanggapin, kaloe tida tentoe ini satoe kali pemboekahan aken djadi oeroeng,“ kata Lauw Soe Sam. „Sekarang oewang soeda diitoeng dan akoe boleh pasang toedjoe ratoes tail perak, sebab bandar ada mempoenjai kapital ampat kali lipat dari djoembla terseboet. Hajo bandar boeka kaoe. poenja po, akoe taoe kaoe poenja bidji tentoe boekan laen dari pek-houw, sebab akoe soeda taksir dengen, mateng.
„Adoeh; apa sih jang begini gatel!“ berseroeh bandar jang doeloean, dan itoe waktoe mendjandi loa, sambil berseroeh begitoe ia lontjat dari tempat doedoeknja, kamoedian seperti orang terpleset ia djato tengkoeroep ka atas medja dan dorong itoe pekakas djoedi sampe terbalik.
„Bangsat!“ berseroeh Lauw Soe Sam, „kaloe takoet kalah djangan brani maen, apa poela kaloe mendjadi boeaja maen! Apa kaoe kira kaoe poenja loya siapa,
