— 78 —
îtoe, akoe poenja maksoed maoe tindes kedjahatan dengen goenaken kadjahatan djoega; tapi sebegitoe lama akoe masi belon bisa sampe akoe poenja maksoed lantaran akoe belon bisa ketemoeken orangnja jang tjotjok. Sekarang akoe liat kaoe ada seorang jang sanget tjotjok boewat itoe maksoed, sebab biar poen kaoe soeda merosot begitoe rendah. tapi masi tetep bisa lindoengin kaoe poenja liangsim dan keangkoehan. Akoe pertjaja kamoed an kaoe aken bisa tindes itoe kawanan boeaja d:oedi di Boetjiang, dengen begitoe boekan sadja kaoe aken bisa membales kaoe poenja sakit hati, tapi berbareng dengen itoe kaoe aken bisa berboeat kabaekan aken goena sasama manoesia."
Ini omongan membikin Lauw Soe Sam poenja pikiran djadi tetep, laloe ia trima tawarannja iapoenja madjikan, sobat dan djoega bapa. Sebab memang dengen sasoenggoenja Hwan Tjit Kioe perlakoeken ia dalem itoe semoea keada'an, tida perlakoeken ianja sebagi soeatoe penggawe biasa.
Tiga taon lamanja Hwan Tjit Kioe adjarin semoea ilmoe perdjoedian tjoerang, dengen adjarin djoega tjara bagimana ia moesti bikin pekakas-pekakas djoedi goena itoe maksoed. Berbareng dengen itoe, Hwan Tjit Kioe kasi ia adjar ilmoe silat djoega, sebab boewat djadi satoe pendjoedi tjoerang, selamanja moesti paham djoega ilmoe poekoelan, kerna dalem itoe kalangan saban-saban soeka terdjadi kaiiboetan dan perklaian. Oleh kerna Lauw Soe Sam memang ada satoe anak moeda jang berotak terang, tambahan tersoeroeng oleh napsoe jang ingin bikin pembalesan, dalem i;oe tiga taon lamanja ia soeda bisa peladjarken semoea kepandeannja iapoenja goeroe. Tjoema ilmoe silatnja sadja jang masi koerang, dan boeat
