- 77 -
Apa kaoe ingin bikin pembalesan pada marika, itoe?"
„Soeda tentoe sadja! tapi dengen tjara bagimana empe ?" kata Lauw Soe Sam.
„Bikin pembalesan dengen permaenan djoedi jang tjoerang djcega," saoet Hwan Tjit Kioe. „Tjoema akoe ingin soepaja kaoe berdjandji dergen so mpa lebih doeloe sabelonnja akoe kasi taoe bagimana djalannja, bahoea kaoe tida nanti goenaken itoe tjara boeat menjoesahken orang, katjoewali boeat bikin pembalesan sadja. Sabetoelnja akoe soeda liat terang bahoea kaoe ini ada satoe orang jang berhati moerah dan tida tega menjilakaken pada laen orang, maka akoe maoe adjarin kaoe itoe ilmoe berdjoedi dengen satjara tjoerang; tapi dari sebab ingin bikin soepaja kaoe pegang lebih tetap kaoe poenja perdjandjian itoe, maka akoe minta kaoe bersoempa jang sanget berat"
Lauw Soe Sam berpikir doeloe bebrapa sa'at lamanja, tapi lantas golengken kapalanja sembari berkata: „Tida bisa, empe; akoe koewatir djika sampe di itoe waktoe akoe tida bisa menahan penggodahannja hati, hingga akoe moesti langgar soempa'koe sendiri."
Hwan Tjit Kioe merasa sanget girang meliat kasangsian jang dioendjoek oleh itoe anak moeda, sebab ia taoe, saorang jang bersangsi-sangsi begitoe, djika satoe kali maoe menjanggoepin, tentoe ia aken mamegang djandjinja dengen betoel, berbeda sama orang jang maoe menjanggoepin dengen lantas — sebab tida dipikir doeloe dengen mateng — achirnja aken melanggar itoe djandji dengen satjara getas.
„Kaloe sadja kaoe selamanja bajangken katjilaka'an apa jang aken memboentoetin kaoe poenja perboewatan," kata ia achirnja, „akoe brani pastiken jang kaoe tida nanti tega lakoeken itoe perboewatan. Selaennja
