— 73 —
„Empe, Tjit Kioe, sabetoelnja sadari bermoela akoe telah merasa seperti soeda perna denger kaoe poenja nama,“ kata Soe Sam, „tjoema sadja akoe tida bisa inget di mana dan berhoeboeng dengen apa. Sedang blakangan lantaran kaoe begitoe baak padakoe, maka akoe merasa tida perloe moesti mentjari taoe sabetoelnja kaoe ini siapa dan oaang bangsa apa, Kaloe ini malem kaoe dengen soeka sendiri maoe menoetoerken, dengen segala perhatian akoe aken mendengerin“
„Ini malem makanja akoe maoe tjeritaken akoe poenja hal ichwal jang telah laloe, kerna satoe sebab jang kamoedian kaoe aken mendapat taoe. Akoe poenja nama boekannja tida terkenal di antara boeajaboeaja toekang djoedi, tapi akoe poenja nama djoeloekan Tjian-tjhioe-touw atawa si Kantjil tangan sariboe, ada lebih terkenal dari akoe poenja nama sdjati. Nakanja akoe mendapat itoe djoeloekan aneh, kantjil jang tangannja sariboe, disebabken oleh akoe poenja kapandean soenglap dalem segala matjem permaenan djoedi, boat tjoerangin orang-orang jang soeka berdjoedi dengen sabenernja dan sadjoedjoernja.
„Ampir limabelas taon lamanja akoe mendjalanken itoe perdjoedian tjoerang dari satoe tempat ka laen tempat, dengen bersakongkol sama boewaja-boewaja djoedi dari sesoeatoe tempat, biar poen hasilnja akoe poenja pakerdjahan itoe sanget bagoes, jang kaloe dikoempoelken tentoe soeda mendjadi satoe harta jang tida sedikit djoemblanja, tapi dasaran doeit doerhaka jang didapetken dengen djalan tjoerang, selamanja akoe tida bisa mempoenjai sadjoembla oewang jang lebih banjak dari apa jang akoe perloe boeat modal berdjoedi. Pada soeatoe hari, di Boetjiang, akoe telah „godot“ satoe „kerbo“ gemoek satoe soedagar soetra dari Kangsouw. Itoe soedagar
