- 68 -
nja loedes di medja djoedi. Achirnja ia djoeal djoega roemah tinggalnja dan ia sendiri menjewa satoe roemah ; tida lama kamoedian itoe harga pendjoealan roemah poen djadi loedes seperti jang laen-laennja, hingga sekarang ia djadi roedin betoel-betoel.
Itoe semoewa telah terdjadi kira-kira tjoema doea taon sadja. Begitoe moeda dan tida mempoenjai sanak familie jang dekat maoe ambil taoe iapoenja oeroesan, soeda tentoe sadja ia djadi sanget soeker dan tida taoe begimana ia moesti mentjari penghidoepan. Tapi dasaran ia masi mempoenjai toeroenan darah dari kalangan tinggi, jang ia dapetken dari iapoenja leloeher, biar poen ia soeda begitoe melarat boekan sadja ia tida bisa djadi pentjoeri, malah ia tida soedi mendjadi pengemis. Ia minta pakerdjahan pada satoe toko soetra, jang doeloenja ada mendjadi miliknja iapoenja aki dari fihak iboe, tapi lantaran ia terkenal sebagi seorang jang dojan berdjoedi, dengen getas orang toelak iapoenja permintahan. Begitoelah ia minta pakerdjahan sana sini, tapi semoewa pintoe tertoetoep boeat ianja.
Roepanja lantaran terlaloe djengkel, ia pergi ka loewar kota dan ambil poetoesan nekat, boewang diri ka dalem soengei Yang tjoe-kang ; tapi dasaran ia masi belon takdirnja mati, dengen setjara kabetoelan ia telah ditoeloengin oleh satoe toekang praoe tambangan. Koetika ia soeda djadi sedar kombali dari pangsannja, itoe toekang praoe, seorang jang oemoernja soeda lebih dari limapoeloeh taon, tapi ka'adahan toeboenja masi tinggal kekar, mengawasin pada Lauw Soe Sam dengen paras moeka heran.
„He, anak moeda!” kata ia dengen soewara njaring sembari golengken kepalanja, „akoe liat kaoe poenja oemoer paling banjak baroe doeapoeloeh taon
