— 63 —
ken kapentingannja orang jang baek dan tida bersalah.
Achirnja Lim sie melahirken satoe anak lelaki, jang lantas dikasi nama Soe Sam. Pada waktoe ini botja baroe sadja beroemoer sapoeloeh taon, Kiat Beng telah meninggal doenia lantaran samatjem penjakit mendadak. Sadari ketjil, oleh kerna Soe Sam ada satoe anak toenggal dan baroe didapetken pada waktoe sang ajah dan iboe dalem oemoer jang soeda laat, soeda tentoe sadja sänget disajang, teroetama oleh iapoenja iboe, segala kahendakannja tida taoe ditoelak. Oleh kerna itoe djoega, sadari ketjil itoe anak soeda mendjadi kolokan dan tida boleh dihalangin sedikit sadja iapoenja kahendakan. Saoepamanja iapoenja kahendakan dihalangin lantas, sadja ia menangis keras sembari boewang dirinja ka atas djoebin, di mana ia bergoelingan sabagi djoega belatoeng.
Pada waktoe Kiat Beng soeda mati, Lim-sie samingkin toeroetin sadja kahendakannja itoe anak jang tjoema sabidji-mata. Oieh kerna Kiat Beng ada seorang sekolahan, sedari Soe San baroe beroemoer toedjoe taon, ia soeda oendang satoe goeroe boeat mengadjar ilmoe soerat pada sang anak; tapi lantaran terlaloe aleman, iapoenja peladjaran dalem ilmoe soerat sanget lambat, terlebih lagi pada sasoedanja Kiat Beng mati. Moelai Soe Sam beroemoer ampat belas taon, lantas moelai soeka berdjoedi dengan mentjoeri iboenja poenja oewang, dengen begitoe iapoenja peladjaran ilmoe soerat achirnja dilempar ka samping sama sekali, hingga itoe goeroe poen djadi kawalahan dan minta brenti dari pakerdja'annja, sebab djika ia berlaloe keras pada moeridnja, sang iboe lantas lantas termalang-malang, malah kadang-kadang soeka marahin djoega pada sang goeroe.
