— 105 —
aken meloekain berat. Selaennja itoe, ia taoe Tio Beng poenja sendjata resia tida ada memake ratjoen.
Oleh kerna itoe djoega, sala-satoe sioetjhienja Tio Beng kena langgar iapoenja daon koeping, tapi tjoema meloekai sadja sedikit. Tapi dengen berboeat begitoe, ia soeda bisa sampe di pinggirnja itoe telaga. Laloe ia balikin badannja sembari tertawa berkakakan.
„Di atas daratan boleh djadi djoega akoe moesti mengala sedikit pada kaoe,” kata ia dengen soeara sindir, „tapi di dalem aer, akoe nanti lelepken sampe kaoe poenja peroet kemboeng. Marilah, terdjoen ka dalem ini telaga, kita tjoba maen-maen sedikit.”
Sehabisnja berkata begitoe lantas sadja ia lontjat ka dalem itoe telaga, dan tida lama kamoedian kadengeran soewara jang bergedjeboeran.
IX.
ACHIR - ACHIR. . . . . .
— o —
Tio Beng berdiri di pinggirnja itoe telaga sembari membanting-banting kaki dengen oering oeringan. Oleh kerna ia tida pertjaja sama iapoenja kepandean di aer jang ia anggap masi djaoe dari sampoerna, ia tida maoe menjeboer ka dalem aer mengedjar pada It Kie Tho, sebab itoelah sesoenggoenja ada sanget berbahaja. Lagian ka'adahannja itoe telaga ia sendiri tida begitoe taoe, sedeng It Kie Tho soeda lama djoega berdiem di sitoe-di atas praoe peranti menangkep ikannja Tjia Bie Koen.
Tida antara lama kamoedian Lee Siang Hiap dan Thio Po Hoei ampir dengen berbareng sampe ka sitoe, dan menanjaken It Kie Tho soeda pergi ka mana tida keliatan. Tio Beng kasi taoe doedoeknja
