– 102 –
ka atas tembok kota, dan itoe waktoe ia djoestroe merogo ka dalem pinggangnja, hingga Tio Beng mengari kaloe itoe bangsat maoe malepasken sendjata resia. Diam-diam ia sendiri poen sediaken iapoenja piauw dan sioetjhie.
Tapi mendadakan It Kie Tho mendekam di atas tembok kota dan linjap dari pemandangan, hingga ia djadi serba soesa dan tida taoe moesti berboeat bagimana. Sebab kaloe ia menjoesoel lontjat ka atas tembok kota, dengen gampanpg saja ia bakal dibokong oleh It Kie Tho jang bersemboeni; tapi kaloe tida di kedjar ia merasa sangat emkamgoan kaloe moesti liatin itoe bangsat maboer. Djoestroe ia lagi bingoeng, Lee Siang Hiap dan Thio Po Hoei soeda sampe, Tio Beng lantas berbisik di koepingnja Lee Siang Hiap: Hiantee, akoe harap kaoe balik lagi dan pergi naek ka tangga menaranja pintoekota, dengen begitoe kaoe bisa tjegat itoe bangsat djika ia ambil djalan ka sitoe, atawa kaoe bisa liat djika ia maboer ka djoeroesan mana djoega."
„Sedang kaoe, Thio hiantee,“ kata lagi Tio Beng pada Tio Po Hoei, dengen soeara perlahan, „pergi ka loear pintoe kota, soepaja bisa liat ka mana itoe bangsat merat.“
Itoe doea orang lantas manggoetken kapalanja sembari berlaloe. Tio Beng lantaran koewatir dibokong dengen tjepat lontjat ka sabelah timoer sampe doeapoeloeh kaki djaoenja, kamoedian dengen menentangken kadoea kakinja ka moeka boemi, ia mentjolot ka atas tembok kota. Tapi bagi iapoenja kaheranan ia tida menampak It Kie Tho di atas itoe tembok; boeroe-boeroe ia meliat kasabelah loewarnja kota, dalem tjoewatja jang remeng-remeng ia menampak
