Ishak dan Allahnja Jakoeb!" Allah boekan Allahnja orang mati, melainken orang jang hidoep.
33 Maka orang banjak, kapan mendengar itoe, {Mat 7:28} djadi heiran dari pengadjarannja.
34 {Mar 12:28} Kapan orang parisi dengar jang Toehan soedah toetoepken moeloet orang sadoeki, lantas dia-orang berkoempoel bersama-sama.
35 {Luk 10:25} Maka satoe dari dia-orang, ija-itoe sa-orang oelama, bertanja, maoe mentjobai Toehan, katanja:
36 Hei goeroe! parentah jang besar sendiri dalem Toret, itoe parentah jang mana?
37 Maka Jesoes berkata sama dia: (Ula 6:5; 10:12; 30:6; Luk 10:27) "Kamoe mesti tjinta sama Toehan Allahmoe dengan sagenep hatimoe, dengan sagenep djiwamoe, dan dengan sagenep boedimoe."
38 Itoelah parentah jang sekali dan besar sendiri.
39 Dan jang kadoewa, jang sama seperti ini parentah: (Ima 19:18; Mar 12:31; Rom 13:9; Gal 5:14; Efe 5:2; 1Te 4:9; Yak 2:8) "Kamoe mesti tjinta sama temenmoe manoesia, sama seperti dirimoe sendiri."
40 Sagenep Toret dan kitab Nabi-Nabi bergantong sama ini doewa parentah.
41 {Mar 12:35; Luk 20:41} Maka koetika itoe orang parisi soedah berkoempoel, Jesoes bertanja sama dia-orang,
42 Katanja: Apatah kiramoe dari Kristoes? Dia anaknja siapa? Dia-orang berkata sama Toehan: Anaknja Dawoed.
43 Toehan berkata sama dia-orang: Kaloe bagitoe bagimana Dawoed dalem Roh panggil Toehan sama Dia? katanja:
44 (Maz 110:1; Kis 2:34; 1Ko 15:25; Ibr 1:13; 10:13) "Maha Toehan soedah berkata sama Toehankoe: Doedoeklah dikanankoe, sampe soedah Akoe taroh segala satroemoe djadi alas-kakimoe."
45 Dari itoe, kaloe Dawoed panggil Toehan sama Dia, bagimana bolih Dia djadi anaknja?
46 Maka trada satoe orang jang bisa menjaoet sama Toehan satoe perkataan, dan moelai dari itoe hari djoega trada satoe orang brani bertanja lagi apa-apa sama Toehan.
FATSAL XXIII.
1 Koetika itoe Jesoes berkata sama orang banjak dan sama moeridnja.
2 Katanja: {Neh 8:4} Itoe katib-katib dan orang parisi doedoek dikrosinja nabi Moesa;
3 {Ula 17:19; Mal 2:6} Dari itoe, samowanja, jang dikataken itoe orang sama kamoe sopaja ditoeroet, bijar kamoe toeroet dan boewat itoe, tetapi djangan toeroet perboewatannja, {Rom 2:19} karna dia-orang mengadjar itoe, tetapi tidak berboewat dia.
4 {Yes 10:1; Luk 11:46; Kis 15:10} Karna dia-orang iket moewatan jang brat dan soesah dipikoel, dia moewatken itoe di-atas poendak orang; tetapi dia-orang
