doeloe, habis memboeka moeloetnja angkau nanti dapet dalemnja satoe {Setaier ija-itoe djoega satoe roepa oewang} setater; ambil dia dan kasih dia, djadi bagiankoe dan bagianmoe.
PATSAL XVIII.
1 Pada {Mar 9:34; Luk 9:46; 22:24} waktoe itoe djoega moeridnja dateng sama Toehan lantas bertanja: Jang paling besar dalem karadjaan sorga itoe siapa?
2 Maka habis panggil satoe anak ketjil, Jesoes menaroh dia ditengah-tengah.
3 Serta katanja: Soenggoeh Akoe berkata padamoe: {Mat 19:14; 1Ko 14:20; 1Pe 2:2} Kaloe kamoe tidak djadi lain dan djadi seperti anak ketjil, tidak bolih sakali-kali kamoe masok dalem karadjaan sorga.
4 {1Pe 5:6} Dari itoe, barang-siapa jang merendahken dirinja seperti ini anak ketjil, ija-itoe paling besar dalem karadjaan sorga,
5 {Mar 9:37; Luk 9:48; Yoh 12:20} Maka barang-siapa jang terima sama anak ketjil bagini dalem Namakoe, ija-itoe terima sama Akoe.
6 {Mar 9:42; Luk 17:2} Tetapi siapa jang kasih sandoengan sama satoe dari ini anak ketjil, jang pertjaja sama Akoe, lebih baik sama dia kaloe satoe batoe gilingan soedah digantoengken sama lehernja, serta dia ditenggelemken dalem laoet.
7 Tjelaka sama doenia dari sebab segala sandoengan, {1Ko 11:19} karna mesti itoe sandoengan dateng, {Mat 26:24; Kis 2:23; 4:27,28} tetapi tjelaka sama itoe orang, jang mendjadiken sandoengan.
8 {Mat 5:29,30; Ula 13:6; Mar 9:43} Dari itoe kaloe tanganmoe atawa kakimoe djadi sandoengan padamoe, potonglah dan boewanglah dia. Lebih baik kamoe masoek dalem kahidoepan dengan pintjang atawa terpotong, dari diboewang dalem api jang kekel dengan doewa tangan atawa doewa kaki.
9 Maka kaloe matamoe djadi sandoengan padamoe, tjaboetlah dan boewanglah dia. Lebih baik kamoe masoek dalem kahidoepan dengan sabelah mata sadja, dari diboewang dalem api naraka dengan kadoewa belah matamoe
10 Hati-hati, djangan kamoe tjelaken satoe dari ini jang ketjil; karna Akoe berkata padamoe: {Maz 34:8} malaikatnja didalem sorga salama-lamanja melihat moekanja Bapakoe, jang ada disorga.
11 {Luk 19:10} Karna Anak-manoesia dateng maoe selamatken orang jang terhilang.
12 {Luk 15:3} Apa kiramoe? Kaloe sa-orang ampoenja saratoes kambing, dan satoe dari ini kambing soedah kesasar, boekan dia nanti meninggalken jang sambilan poeloeh digoenoeng boewat mentjari itoe satoe jang kesasar?
13 Maka kaloe dia bolih dapet itoe, soenggoeh Akoe berkata padamoe, dia lebih soeka
