Halaman:Indjil MATTHEOES.pdf/20

blakang merabah pinggir djoebahnja.
21 Karna dia berkata dalem hatinja: Kaloe akoe tjoema merabah djoebahnja sadja, pesti akoe djadi baik.
22 Maka Jesoes balik blakang dirinja, melihat sama dia serta katanja: {Mar 5:34; Luk 8:48} Hei anak! djadilah seneng hati, pertjajamoe soedah toeloeng padamoe. Maka itoe perampoewan djadi baik betoel itoe waktoe djoega.
23 {Mar 5:38; Luk 8:51} Maka kapan Jesoes masok dalem roemahnja itoe kapala, serta melihat orang main soeling dan banjak orang jang menangis;
24 Toehan berkata sama dia-orang: Pergilah; karna ini anak perampoewan boekan mati, melainken {Yoh 11:11} tidoer sadja. Maka dia-orang ketawai sama Toehan.
25 Maka sasoedahnja itoe orang banjak dikaloewarken Toehan masok serta pegang tangannja; lantas itoe anak perampoewan bangoen.
26 Maka kabarnja djadi kataoean dimana-mana itoe tanah.
27 Maka kapan Jesoes berangkat dari sana, ada doewa orang boeta mengikoet, jang betrejak katanja: Ja Anak Dawoed! kasihanken kita-orang!
28 Maka kapan soedah masok dalem roemah, itoe orang boeta dateng sama Toehan. Maka Jesoes berkata sama dia-orang: Apa kamoe pertjaja jang Akoe berkoewasa memboewat itoe? Dia-orang berkata: Ija Toehan!
29 Lantas Toehan merabah matanja, katanja: Djadilah sama kamoe sebagimana kamoe pertjaja.
30 Lantas matanja teboeka. {Mat 12:16; Luk 5:14} Maka Jesoes larang keras sama dia-orang, katanja: Hati-hati, djangan satoe orang dapet taoe ini.
31 {Mar 7:36} Tetapi dia-orang kaloewar djadiken kataoean Toehan dimana-mana itoe tanah.
32 {Mat 12:22; Luk 11:15} Maka kapan ini orang kaloewar, lihat, orang membawa sama Toehan satoe orang jang bisoe dan kamasoken setan.
33 Maka kapan itoe setan soedah diboewang, lantas itoe orang bisoe berkata. Maka itoe orang banjak djadi heiran, katanja: Perkara bagini belom taoe kalihatan ditengah Israil.
34 Tetapi orang parisi berkata: {Mat 12:24; Mar 3:22; Luk 11:15} Ini orang memboewang setan dengan koewasanja kapala setan.
35 {Mar 6:6; Luk 13:22} Maka Jesoes berdjalan koeliling dalem segala negari dan doesoen-doesoen, dan mengadjar dalem mesdjidnja, serta kabarken indjil karadjaan dan menjemboehken segala sakit-penjakit di-antara orang banjak.
36 {Mar 6:34} Maka kapan melihat orang banjak, Toehan berkasihan dalem hatinja, sebab dia-orang tjape dan tersiar {Yer 13:1; Yeh 34:2} seperti kambing, jang trada gombalanja.
37 Koetika itoe Toehan berkata sama moeridnja: {Luk 10:2; Yoh 4:35} Jang bolih dikoempoelken itoe banjak sakali, tetapi orang jang mengoempoelken tjoema sedikit;
38 {2Te 3:1} Dari itoe baik kamoe