dia nanti hidoep sampe salama-lamanja.
59 Maka segala perkara ini Toehan kataken dalem mesdjid, kapan Toehan mengadjar dinegari Kapernaoem.
60 Maka banjak dari moerid-moeridnja, kapan dengar itoe, berkata: Perkataan ini terlaloe keras, siapa bolih dengar itoe?
61 Maka Jesoes, kapan taoe dalem hatinja, jang moerid-moeridnja bersoengoet-soengoet dari itoe perkara, Toehan berkata sama dia-orang: Apa ini djadiken kamoe sakit hati?
62 Apa lagi {Yoh 3:13; Mar 16:19; Luk 24:50; Kis 1:9; Efe 4:8} kaloe kiranja kamoe lihat itoe Anak-manoesia naik katampat asalnja?
63 {2Ko 3:6} Maka Roh jang menghidoepken; daging trada bergoena. Perkataan jang akoe kataken sama kamoe, itoelah roh dan hidoep adanja.
64 Tetapi ada djoega di-antara kamoe orang jang tidak pertjaja. {Yoh 2:25} Karna dari moelanja Jesoes soedah taoe orang mana jang tidak pertjaja, {Yoh 13:11} dan orang mana jang nanti menjerahken Toehan.
65 {Yoh 6:44} Maka kata Toehan: Dari itoe akoe berkata padamoe, trada satoe orang bolih dateng sama akoe, melainken kaloe itoe dikasih Bapakoe sama dia.
66 Moelai dari itoe koetika banjak dari moeridnja oendoer, tidak berdjalan lagi bersama-sama dengan Toehan.
67 Dari sebab itoe Jesoes berkata sama itoe moerid doewa-blas: Apa kamoe tidak maoe pergi djoega?
68 Lantas Simon Petroes menjaoet padanja: ja Toehan kita-orang pergi sama siapa? Toehan jang poenja perkataan {Kis 5:20} kahidoepan kekel itoe;
69 Dan kita-orang pertjaja dan mengakoe, {Yoh 11:27; Mat 16:16; Mar 8:29; Luk 9:20} jang Toehan ini Kristoes, Anak-Allah jang hidoep.
70 Jesoes menjaoet sama dia-orang: {Luk 6:18} Boekan akoe pilih sama kamoe doewa-blas orang? maka satoe dari kamoe itoe iblis adanja.
71 Maka Toehan berkata itoe dari Joedas Iskariot, anak Simon; karna dia nanti menjerahken Toehan, maka dia satoe dari doewa-blas moeridnja.
FATSAL VII.
1 Maka habis bagitoe Jesoes berdjalan di Galilea; karna Toehan tidak maoe berdjalan di Joedea, sebab orang Jahoedi tjari djalan maoe memboenoh sama Toehan.
2 Maka hari-besar orang Jahoedi {Ima 23:34} berdiriken taroeb soedah deket.
3 Dari itoe kata soedaranja sama Toehan: Berangkatlah dari sini, pergi di Joedea, bijar moerid-moeridmoe djoega bolih melihat moedjidjatmoe, jang angkau boewat itoe.
4 Karna trada satoe orang boewat satoe perkara dengan semboeni, kaloe dia maoe orang bitjara dari halnja dengan njata.
