`HIDOEP`
23
„Itoe betoel, 'ntjim, djika sadja marika soedah sampe djandjinja. Tapi 'ntjim ada seorang jang baek dan masih bisa memandeng keindahan doenia lebih lama lagi "
Njonja Tjong-giok tinggal boengkem sekean sa'at.
„Adakah 'ntjim pert jaja bahoea Toehan Allah •itoe ada?" kemoedian Ngo-héng menanja.
„Ja," saoetnja njonja Tjong-giok.
„Pertjajakah bahoea Toehan itoe bersifat welas?"
„Ja."
"Pertjajakah bahoea Toehan itoe mengampoenken pada jang berdosa dan semboehken pada jang sakit, djika sadja marika menjeboet do sa kepadanja?"
Njonja Tjong-giok tjoema mengawasin dengen matanja jang tjowong dan goerem.
„Pertjajalah, 'ntjim; Toehan nanti aken briken kesemboehan, djika sadja kaoe soeka menjeboet Dia " katanja itoe pendita lebih djaoeh. „Bersembahjanglah, menjeboet dosa dan memoehoen keampoenan kepada Toehan Jezus Kristus, anak Allah jang welas dan memikoel aken dosa manoesia Pertjajalah, Toehan Jezus jang Maha Welas aken trima kaoe poenja menjeboet dosa dan kaoe aken sigra dapet kesemboehan...."
