18
TJERITA ROMAN
„Bilanglah, bilang, Gwat, satoe perkata'an sadja: ’ja’, ini soedah tjoekoep dan tida perloe laen perkata'an...”
Gwat-iem lebih doeloe awasin paras moekanja Tiong-gie dengen sinaran roatanja jang soetji, kemoedian baroelah ia boeka bibirnja dengen aloes dan kloearken satoe oetjapan: „Ja...”
Ini djawaban satoe perkata'an „ja” meroepaken satoe goenoeng dan menjelesep masoek dalem hatinja, hingga Tiong-gie rasaken dadanja terlaloe kesempitan.
„Ini soedah tjoekoep, Gwat,” Tiong-gie kemoedian kata lebih djaoeh. „Dan bagimana kaoe pikir djika besoek akoe poenja orang-toea dateng remboeken ini hal kepada kaoe poenja orang-toea? Besok, loesa, laen boelan atawa laen taoen?”
„Ja...” saoetnja Gwat-iem dengen pendek.
„Ja... apa?”
„Kaoe toch tjoema perloeken satoe djawaban ’ja’, laen tida?”
Tiong-gie pandeng dengen mata jang bersinar, sebagi remboelan jang pentjarken tjahajanja ka moeka boemi boeat menerangin djagad jang dilimpoetin kegelapan dan boeat membikin seger kembang-kembang jang pada megar.
