14
TJERITA ROMAN
soedah djadi kakè atawa nènè, sang angin bikin roeboeh itoe poehoen!
Tiong-gie dari satoe baji jang lemah, sekarang telah djadi satoe botja jang nakal, soedah gesit bergerak, pande bitjara dan pande berklai. Dalem masa demikian, ia soedah bangoen dari impian, tapi artiken hidoepnja tjoema sebagi permaenan belaka.
Tapi setelah ia djadi satoe djedjaka moeda, ia menampak doenia teroeroek kembang, tersaloet perak dan mas, tertaboer inten dan djambroet, tersiram madoe dan sari, segalanja tertampaK indah, goemilang atawa manis. Inilah jang dibilang „oesia mas”.
Tiong-gie tatkala beroesia 18-20 taoen, adalah iapoenja „oesia mas” jang sedeng goemilangnja.
Iapoenja ajah jang mampoe, telah sekolahkan padanja sampe di sekolahan pertengahan, makan kenjang, pakean perlente dan blandja tjoekoep. Apalagi jang masih koerang?
Tapi, ja, keboetoehan manoesia hidoep boekan tjoema makan dan pake sadja, masih banjak matjem lagi jang tida dapet dimasoeken dalem programma penghidoepan. Djika manoesia tjoema boetoeh makan, pake dan tinggal, manoesia tida aken tersiksa.
Itoe sekean orang-orang jang masoek boei kerna penggelapan atawa banjak oetang, itoe orang-
