’HIDOEP’
63
Tapi tida ada saoetan dan pintoe tida terboeka. Mendadak hatinja Tiong-gie tambah berdebaran. la ambil satoe korsi, taroh depan itoe pintoe, ia naek atas itoe korsi dan mengintip ka dalem itoe kamar dari itoe lobang hawa, lampoe tempel dalem itoe kamar masih menjalah, maka dengen remeng-remeng ia bisa meliat isi di dalem randjangnja Tjiap, astaga! iapoenja paras moeka mendadak tertampak poetjet, kepalanja poejeng, toeboehnja limboeng, ampir sadja ia djatoh djika tida lantas dapet pegangan tiangnja itoe pintoe, moeloetnja aken mendjerit, tapi tenggorokannya terkantjing...!
Kemoedian dengen tindakan limboeng ia samperin kamarnja 'ntjék Hok-soei, mengetok pintoe sambil kata; „'Ntjék, 'ntjék...”
„Ja, siapa?” kedengeran 'ntjék Hok-soei menanja.
„Akoe, 'ntjék; bangoenlah, ada oeroesan perloe,” katanja Tiong-gie dengen soeara goemeter.
'Ntjék Hok-soei kloear, Tiong-gie laloe adjak padanja di itoe kamar batja.
Lebih doeloe Tiong-gie toetoerken impian-impian jang boekan impian jang tadi ia dapet, lantas berkata lebih djaoeh: „Kerna hatikoe berdebaran dan mendapat firasat tida enak, akoe Samperin kamarnja Tjiap dan mengetok, tapi tida dibalesin. Maka dengen naek atas satoe korsi akoe