kaoe ini sekarang, akoe djoega maoe boeneeh diri. Kaoe poenja papa pada soewatoe hari djoega ijang pengharepan dan maoe boenoeh diri. Tjobalah di'itoe waktoe, koetika kaoe poenja papa djoedjoeken, moeloet pistolnja pada dadanja, atawa tjobalah koetika akoe maoe boenoeh diri akoe soedah tiga hari tida maoe makan di dalem pendjara, tjobalah ada orang ijang dateng bilang, hei djanganlah kaoe maoe mati doeloe, sebab nanti ada soewatoe masa, ijang kaoe beroentoeng," nistjaja kita tida maoe pertjaja, kita ketawain orang itoe, ijang kira bisa roba kita poenja pikiran ijang tetep. Apakah kesoedahannja? Tidakah papamoe Maximilaan memoedjiken Allah siang hari malem ijang ija tida sampe memboenoeh diri? dan apakah sampe pada adjalnja ija tida merasa dirinja beroentoeng sanget? Abis akoe ini, tidakah akoe girang ijang . . . . . . . . ."
„O!" berkata Morrel: „itoe semoewa laen perkara toewankoe ilang kemardikaan, sebab toewan di boewi, papa ilang harta bandanja, tetapi akoe ini ilang djiwakoe, ilang Valentinekoe begimana akoe bisa hidoep lama-an."
„Aai Morrel liatlah roepakoe," berkata Monte Christo dengan hebat, „liatlah akoe tida bertangisan akoe poenja hati tida koewatir, sedang akoe liat ijang hatimoe antjoer tida akoe merasa sedih, maka kaoe seperti anakkoe sendiri, ijang terlebih lagi akoe tjintaken, patoetnja akoe poen wadjib bersakit hati dan bersedihan, tetapi ingatlah, di mata kita masih ada begitoe banjak, ijang kita tida taoe lebih doeloe, apa ijang nanti dateng. Kerna itoe Morrel, kaloe akoe minta sanget, ija akoe paksaken padamoe aken tinggal hidoep, Morrel, maka pertjajalah, akoe bikin itoe sebab akoe taoe tentang ijang nanti ada waktoe kaoe bakalan bilang tri-
