G A G A L
Oleh : Njoo Cheong Seng
I
Dosa, kau tape, apa artinja itoe dosa ?
Satoe dosa ada besar, maski tida membinasa,
Zonder memboenoe, kau bikin ia senantiasa
Merasa dirinja tjilaka dan idoep tersiksa.
Itoelah ada satoe dosa, besar ampoenja dosa
Satoe portrait ada ambil bagian besar atas kasediannja saorang moeda, orang siapa lagi doedoek dengen Zenuwachtig dihadepannja. Ia memandeng dan lagi sekali memandeng, dan soeda tjoba berapa kali aken tabaken ia poenja hati, tapi ia tida moedah aken ringanken itoe kadoekaan jang menimpa begitoe heibat zonder dengen mengoetjoerken aer mata.
Ia tida berdaja lagi membri hiboeran, ia poenja kadoekaan hati ada begitoe besar, oepama kata mati masi ada lebi enteng. Njatalah apa jang dinamaken mati, ada djadi hiboerannja orang orang sedi.
la poenja pikiran moelai djadi limboeng, katetepan boeat ambil poetoesan apa-apa soeda tida ada lagi, dan katetepan boeat menoedjoe ka djalanan dari kadjernian soeda ditoetoep oleh awan awan gelap. Kaloe itoe waktoe ia poenja pikiran jang boetek meminta ia mem-
1
