GAGAL
Tapi ia tida merdika lagi, sebab itoe familie jang ditoempangin ada kolot dan pakei maoenja sendiri, hingga marika poenja tjara meng hiboer tjoema dari soerat dan soerat atas perantaraannja satoe boedjang jang terpertjaja.
Kliatan penghidoepan doenia ini ada sebagi itoe matahari dan boelan. Itoe ada waktoe boeat matahari naek, dan itoe ada waktoe boeat matahari toeroen, Ada waktoe boeat remboelan begitoe boender dan terang, dan ada waktoe dari malem jang gelap goelita.
Begitoelah manoesia poenja kabroentoengan ada deket sekali pada apa jang dinamaken kegagalan. Datengnja satoe katjilakaan seringkali tida terdoega, dan roeboeken kasenengannja itoe orang selama lama. sabi soft nusibom Kim Nio soeda meninggal dengen sengsara, dan Liang Boen tela djadi gila. Perginja ini doea orang dari doenia terang, maski jang satoe beloen poelang ka rachmat-oelah, soeda timpaken satoe kasedian besar pada berapa orang.
Mereres, hantjoer, pata dan sedi, semoea ada berkoempoel.djadi satoe, Berapa berat saorang toea, sebagi Iboenja Liang Boen, nanti bisa pikoel ini semoea ? la ada sanget lema dan kenji, dan bagimana ia bisa trima ini poekoelan jang begini heibat. Kaloe ia bajangken dan inget waktoe-waktoe jang dinamaken waktoe dari kasenengan, dan inget diwaktoe marika semoea ada, adoeh, ia rasanja kapingin lontjat kedalem soemoer, soepaja lekas mati dan
14
