GAGAL
sekarang soeda beroesia 57 taoen. Boleh dibilang ia poenja poelang-ka-Soarga, tjoema menoenggoe datengnja waktoe jang baek. Dengen pikir, bagimana pendek penghidoepan jang bakal dateng dari Iboenja, Liang Boen selaloe bersedia boeat korbanken segala apa aken goenanja ini orang-toea, jang 11 taoen soeda diting- gal mangkat oleh Ajahnja jang tertjinta, jaitoe pada masa Liang Boen poenja adik prempoean paling boentoet terlahir berapa boelan.
Siapa jang denger kebaktiannja ini djedjaka, tiada satoe jang tida memoedji dan siapa jaag mempoenjai anak prempoean, tida satoe-dalem hati-tida kapingin poenjain Liang Boen sebagi baba-mantoenja.dleb stand Itoelah soeda loembra, nama jang baek di djoendjoeng orang kanan kiri.
Ini Iboe bercelang-oelang bertaoeken anaknja bahoea ia soeda toea, dan ia tentoe merasa menjesel sekali kaloe ia moesti meninggal sabeloenja ada sala satoe ia poenja anak djadi orang (soeda kawin). Boeat doea of tiga taoen lamanja ia membanta dengen mengasi sebab sebab jang mempoeasken, tapi blakangan saben ia menampik, kliatan iboenja djadi merasa doeka, dan itoe kekwatiran kliatan ada sanget besar sekali, jang 'sang Iboe nanti keboeroe meninggal sebeloennja bisa mempoenjai mantoe'.
Pada satoe hari jang dirasa baek, Liang Boen soeda toetoerken, bahoea ia soeda ada mempoenjai satoe gadis jang ia tjinta sengenep
12
