GAGAL
pingin laen orang bersedia boeat membales ini kedjahatan. Kaloe manoesia tida bisa membales, biarlah itoe tersera pada tangan Allah.
Siapa jang berdosa, ia tida haroes loepoet leboer-binasa.
Selang berapa boelan ia tela meninggal. Orang bisa timbang dengen gampang, meninggal dengen tjara terbikin begini sengsara seperti Kim Nio soeda lakoeken, orang nanti taoe begimana roepanja ini gadis atau ini prawan jang teroesak. Ia poenja badan ada begitoe koeroes,
ia poenja tjaja moeka ada begitoe om pong, dan ia poenja mata ada begitoe dalem, hingga kaloe ia masi ditakdir idoep, ia poen tida lebi sebagi satoe setan-kerandjingan.
la poenja mati soeda meninggalken satoe toendangan jang tjinta ia dengen soekma dan njawa, saorang jang terkenal baek dalem pergaoelan. Ini djedjaka soeda bajar gagalnja ia poenja tjinta jang begitoe besar dengen pinda ka roema sakit gila kerna ia soeda djadi edan.
Hidoepnja Liang Boen ada mendjadi tanggoengan satoe satoenja dari satoe roema tangga, antara siapa ada terltoeng ia poenja Iboe jang soeda toea.
la ada mempoenjai ampat soedara, tiga prempoean satoe lelaki. Marika semoea ada beroesia lebi bawa dari ia poenja oemoer, dan marika, jang sampe paling blakang masi menoentoet peladjaran, dan djadi Liang Boen poenja tanggoengan.
10
