GAGAL
kliatan tidamada poentiaknja. Itoe manoesia binatang tida poeas dengen ia poenja perboeatan. Ia soeda goenaken pengaroenja ia poenja harta boeat dapetken djoega itoe gadis, boekan kerna ia soeka atau ketarik, hanja sebagi satoe orang biadab, ia ingin bikin itoe moesoe rasaken betoel apa jang dinamaken ia poenja kebinatangan.
Begitoelah terbantoe oleh sang familie jang mata doewitan, sang gadis soeda diseraken padanja, dan dengen sanget ngeri dan mengantjoetkan hati, itoe gadis soeda dipaksa seraken ia poenja kahormatan.
Kiem Nio lebi soeka mati dari pada seraken ia poenja kahormatan, tapi itoe djalan boeat mati tida ada, dan ia soeda moesti trima itoe semoea dengen tida bisa dibilang lagi, bagimana ia poenja sakit hati, dan tjilaka adanja ia Poenja diri
Tida perloe ditoetoerken bagimana ini nona diroesak, seperti itoe ada terlarang oleh atas namanja kasopanan.
Dengen merasa dirinja tida berharga, Kim Nio soeda rongrong hatinja sendiri. las koerangin ia poenja kabiasaan kabiasaan jang perloe boeat idoep, ia persakitin dirinja sendiri. la tida maoe mati dengen boenoe diri, sebab ia ingin dengen maoenja Allah-jang -tida-adil, ia poenja mati ada dateng dari djalan jang sengsara.
la kapingin laen orang mendaget taoe, bagimana kabinatangannja itoe manoesia, ia ka-((eh|||9}}
