Halaman:EFESOES.pdf/3

napsoe dan segala ingetan itoe, dan soedah djadi sama tabiat dengan anak-anak jang kena marah, saperti segala orang lain djoega:
4. Tetapi Allah, jang kaja dengan kamoerahan, dari sebab tjintanja jang besar, Toehan soedah tjinta sama kita-orang,
5. Ija-itoe tatkala kita-orang lagi mati dalem dosa, {Rom 6:8; 8:11; Kol 3:1,3} Dia hidoepken kita beserta dengan Kristoes; ( {Kis 15:11; Tit 3:5} maka dari kasihan kamoe soedah dislamatken).
6. Dan dalem Jesoes Kristoes soedah Dia bangoenken kita-orang sertanja, dan Dia doedoekken kita-orang sertanja dalem sorga.
7. Sopaja pada segala djaman jang nanti dateng, Toehan bolih menoendjoek kakajaan kasihannja jang amat besar itoe dengan kamoerahannja atas kita-orang dalem Jesoes Kristoes.
8. {Efe 1:10; Mat 16:17} Karna dari kasihan kamoe soedah dislamatken olih pertjaja; ija-itoe boekan dari kamoe sendiri, melainken ija-itoe pemberian Allah adanja;
9Dan boekan dari pakerdjaan, {Rom 3:27; 1Ko 1:29} asal djangan satoe orang djoega membesarken dirinja.
10. Karna kita-orang ini perboewatannja, {Efe 1:4; 4:24; 2Ko 5:17; Tit 2:14} didjadiken dalem Kristoes Jesoes bagi perboewatan jang baik, jang soedah ditantoeken Allah doeloe, sopaja kita-orang bolih berdjalan dalemnja.
11. Maka sebab itoe ingetlah, bahoea doeloe kamoe orang kafir dalem hawa-napsoe, jang diseboet koeloep olih orang jang dikataken bersoenat dagingnja, ija-itoe perboeatan tangan sadja.
12. Maka pada masa itoe kamoe tiada poenja Kristoes, kamoe djadi orang asing bagi kamardahekaan orang Israil, dan lagi orang dagang bagi {Rom 9:4} segala waad perdjandjian, dan trada poenja harap, dan dengan tiada poenja Allah dalem doenia.
13. Tetapi kamoe, jang doeloe djaoe, sakarang ini dalem Kristoes Jesoes soedah dideketken olih darah Kristoes.
14. {Yes 9:5; Mik 5:4; Yoh 16:33; Kis 10:36; Rom 5:1; Kol 1:20} Karna Toehan itoelah roekoen kita, jang soedah mendjadiken kadoewanja itoe satoe, dan lagi soedah meroeboehken pagar-tembok jang ditengah, jang mentjereken.
15. Sebab soedah dihilangkennja dengan badannja sama persatroewan, jang olih hoekoem oendang-oendang, dan segala sjariat, sopaja dia djadiken bagi dirinja kadoewanja itoe satoe manoesia jang baroe, dengan mengadaken roekoen.
16. Dan sopaja dia meroekoenken kadoewanja itoe sama Allah dalem satoe badan djoega olih itoe salib, sebab soedah dia boenoh itoe persatroean disitoe.
17. {Efe 3:12; Yes 57:19} Maka Toehan soedah dateng mengabarken roekoen sama kamoe jang djaoe, dan sama orang jang deket.
18. {Efe 3:12; Yoh 10:9; 14:6; Rom 5:2; Ibr 10:19} Karna olih Toehan kita-orang doewa-doewa soedah dapet djalan akan menghadep Bapa dengan satoe Roh djoega.