-31 -
satoe orang, kaloe begitoe nona djoega ngedjobong sama Asoek?
,,Apa loe kata? Koerang adjar! Goea sama bapa loe di piara terang-terang, kaloe loe, maen semboeni, itoe dia ngedjobong, loe taoe?"
- ,,Ah, soeda, soeda, nona djoega boekan dipiara
prawan sama Asoek." "Apa? Siapa kata?" ,,Engkoe jang tjerita sama 'Njit. Troesa katain orang, diri sendiri djoega kaga bersi!" ,,Engkoe loe kata begitoe ?" ,,Memang! Dia bentji si saban nona katain Njit djobong!"
Si Djahat djadi mara betoel-betoel, moeloetnja riboet memaki kalang kaboetan toeding-toeding soedaranja lelaki:
,,Loe keliwat tida patoet, Koan, masa anak- anak loe bawa ngomong segala begitoean?"
,,Goea bentji entji saban riboet katain orang djobong," djawab soedaranja. „Kaloe diri sendiri kaga bersi, djangan lemes katain orang."
,,Goea katain djoega anak sendiri, kenapa loe jang kapedesan?"
,,Boekannja kapedesan, goea kaga soeka diroema goea orang riboet-riboet, kaloe diroema loe sendiri, masa loe bodo, maoe perang ke, maoe saling boenoe ke!" ,,Djadinja, loe kaga soeka goea disini?" ,,Memang djoega kaga soeka loe bikin kotor
