Halaman:Bujang Piaman Jo Puti Payuang Lauik.pdf/146

Mangapo inyo ditikam
Inyo indak malawan lai
Lah jaleh inyo nan manang
Usah kan sanak ditikamnyo
Diguriahnyo indak kain sanak

Ampun Tuanku Rajo Yanang
Saketek indak disangajo
Ambo sangko main alun abih
Dek ambo iye nan kalah
Ambo alun maangkek sambah
Tadorong karih kabahunyo
Inyo-nan indak mailakkan

Galak badarai Bujang Piaman
Sampai tadanga dek si Payuang
Dari mulo galanggang rami
Inyo salulu juo manang
Tapi alun panah galak
Sanyum saketek tando suko
Kiniko inyo galak kareh
Palipua hati nan tasingguang

Mambaliak inyo pado Rajo Sasak
Ampun Tuanku Rajo Sasak
Mano garan ayam Tuanku
Mari di cubo agak sajoak

Manolah Adiak urang mudo
Kalau ambo indak salah caliak
Karih dipakai' Sutan Lembak
Karih pusako nan babiso
Elok pulang sanak daulu
Cari dukun iyo nan pandai
Maubek luko kanai karih

Ampun mamak Rajo Yanang
Indak koh mamak tau pandai