Tapi maingek Bujang Piaman
lyo pandai bamain karih
Urang lain indak nan tau
Didiamkannyo pakaro tu
Lah tagak pulo Bujang Piaman
Dicabuiknyo karih rencong
Bahulu basaruang ameh
Bapamato ciek-ciek
Tapi bukan karih pusako
Dikilekkan kamato hari
Nak jaleh dek urang banyak
Karih tu indak babiso
Alah basilek inyo garan
Alah salangkah duo langkah
Alah sajoak duo joak
Lah tagalak pulo rajo-rajo
Maliek silek Lembak Tuah
Alah nyato kalah
Kalah ampek limo kali
Tapi pantang ruponyo pado inyo,
Manyambah mangaku kalah
Katiko si Bujang itu kini
Maangkek sambah mintak baranti
Lah tagak karih di tangannyo
Bukan inyo nak manyarang
Jaleh dek urang kasadonyo
Tibo karih di bahunyo
lyolah karih Lembak 'Tuah
Tadanguih urang nan maliek
Indak ado nan galak lai
Tampak katangah Rajo janang
Manolah sanak Lembak Tuah
138
