"Ampunlah ambo ayah kanduang
Sagalo nan ayah sabuik cako
Alah daulu ambo sampaikan
Ambo ancam pulo inyo
Ayah nan tidak kan satuju
Kok inyo bakareh juo
Mandurako itu namonyo
lyo narako tantangannyo
Indak kalua salamonyo
Manolah Buyuang Sari Alam
Alah kanai adiak ang garan
Dek patunduak dek pakasiah
Iyomah guno-guno urang
Eloklah dukun kito cari
Bia inyo kito ubek bana”’
”Ayah kanduang ampuni ambo
Si Bujang kawan karik ambo
Indak inyo kan manganiayo
Inyo bana tuma nan datang
Iyo kapado diri ambo
Mangecekkan inyo takajuik
Saketek indak manyangkokan
Buruang Nuri ko amuah turun
lyo dari batang kayu tinggi
Dari sangka ameh pamato intan
Ingin inggok di bahunyo
Urang ketek urang biaso
Baitu pulo ayah bundonyo
Malarang kareh itu mulonyo
Takuik bana inyo kaduonyo
Kan dibuang dari nagariko
Tampek info mandapek razaki
Mungkin ayah indak picayo
Tapi iyo alah tajadi
131
