Tiok rajo ado pangiriang
Nan mangapik ayam kinantan
Ayam taduang ayam biriang
Ayam kuriak ayani jalak
Samo rancak kasadonyo
Ndak tantu nan mano kan dipiliah
Baitu pakaian rajo-rajo
Babaju batabua ameh urat
Basampiang kain balapak
Iyo basaluak pucuak rabuang
Basalempang pulo di bahunyo
Lah tagak si Rajo yanang
Manyambuik rajo nan datang tu
Sananglah pulo dalam hati
Maliek banyak urang datang
Indak doh nan mudo-mudo sajo
Ado juo nan satangah bayo
Mungkin mancari untuak anaknyo
Atau maliek dari rajo-rajo
Siapo nan patuik ka minantu
Kok awak itu isuak
Indak dapek pancang galanggang
Tasabuik Bujang Piaman
Mangecek pulo kamandehnyo
Iyo nak sato inyo garan
Pai basamo rajo-rajo
Kagalanggang Puti Payuang Lauik
Urang maundang ado datang
Bakato sanan Bidasari
Bakato jo hati cameh
Mano nak sayang anak Uwaik
Usah Buyuang nak pai pulo
Ka galanggang si Upiak nantun
Kok buruak beko nan tasuo
105
