26
Kaloe iapoenja badan jang langsing kaliatan seperti lesoe atawa lelah,
Atawa parasnja jang biasa bergoemilang mendadak berobah goerem;
Djangan ajal mentjari taoe, ada oeroesan apa jang telah mendjadi salah,
Oesoetlah ka dalem hatinja, soeal apa disitoe jang lagi sedang mengerem.
Kaloe purasnja kaliatan semingkin poetjet, bikinlah djadi bertjahaja,
Dengen itoe warna merah-dadoe jang memang ada djadi kapoenja'anmoe;
Dengen pendek: kaoe moesti goenaken segala kapandean atawa daja,
Akan djadi satoe penoeloeng pada itoe gadis jang kaoe aken bertemoe.
Kerna kaoe moesti mengarti, Roos, maski mempoenjai banjak koelawarga,
Kerna berlaenan tabeat, dalem doena ia seperti djoega idoep sendirian.
Itoelah sebabnja akoe ingin kirim padamoe aken bantoe rawat dan djaga,
Soepaja ia bisa terloepoet dari segala roepa kasoesahan dan ganggoean.
Akoe mengarti, dengen ini pesenan akoe srahken pada kaoe kawadjiban,
Jang tida gampang aken dilakoeken serta berikoet tanggoengan berat;
Tapi akoe bisa pastiken, Roos, tida roegi maski dirimoe djadi korban,
Kerna segala kabaekanmoe ia aken inget dari di doenia sampe acherat!
VIII.
Boelan Poernama di Pegwe Tjap-Go.
Di atas langlt amat bersih, lida satitik poen awan jang kaliatan melajang,
Itoe Boelan naek dari blakangnja boekit, dengen bertjahaja terang benderang.
Akoe hadepken aboe leloehoer aken sadjiken Tongtjioe Phia, teroes sembahjang,
Komoedian doedoek atas bangkoe di pelataran, pandang Boelan dengen girang.
Oh, Boelan, ini malem koe begitoe indah, begitoe boender, begitoe bertjahaja,
Boleh dibilang sa'anteronja kaeilokanmoe sekarang terkoempoel mmdjadi satoe;
Ach, alangkah permei dan tjantik pemandangan waktoe malem dari ini doenia,
Bila ka'ada'anmoe selama-lamanja bisa selaloe tinggal tetep tjara begitoe!
Tapi, helaas! dasarnja segala apa di dalem domia memang ada bersifat fana,
Tida satoe peon jang bisa membri kapoesan, bisa tinggal tetep dan kekel!
Sekarang roepamoe begitoe indah dan bergoemilang, kaboenderanmoe sampoerna,
Tapi besok sore kaoe moelai petjok, hingga bikin hatikoe dapet rasa mendekel.
Tapi, ach, soedah! apakah goena akoe terlaloe djengkelin boeat hari di moeka?
Kaberkahan jang tertampak sekarang, itoelah akoe moesti lekas-lekas trima.
Biarlah, Boelan, di ini malem kita saling pandang dan djadi kawan bersoeka,
Salagi langit bersih, badankoe dalem knsehatan, dan kaoe masih Poernama.
27
