golok dateng menjamber. Ia sigra berkelit dan sampok sendjata itoe dengen tangannja. Maski begitoe, toch ia dapet djoega satoe loeka di bahoe tangan, lantaran apa lantas djoega ia roeboe dari koedanja.
Di saät itoe, bebrapa soldadoe Ban lantas menoebroek, laloe borgol tangannja.
Ma Tiong, jang orang kabarken, bahoea sobatnja itoe telah ditawan oleh moesoe, lantas kaloear dengen maksoed hendak menoeloeng Tapi soeda kasep, kerna sobat itoe poen soeda diïket seperti lepet.
Maka, seperii satoe singa ia lantas menerdjang pada itoe njonja Radja jang kosen, kerna njonja ini poen masi berdiri di sitoe dengen toeja melintang.
Tapi eblon bisa dateng berdeket, koenjoeng-koenjoeng koeda toenggangnja mendjeroenoek roeboe di tana, oleh kerna kakinja binatang ini terlibet dengen tambang serotan jang dipasang oleh moesoe, hingga penoergangnja, jaitoe Ma Tiong, toeroet djato kasoempet.
Seperti djoega sobatnja, sekarang dia poen telah djadi orang tawanan.
Dengen toeklak-teklok oleh kerna merasa angkoe, itoe njonja Radja lantas giring doea tawanannja itoe poeiang ka gowa sendiri.
Beng Hek poen lantas bikin pesta boeat kahormatan istrinja jang gaga perkasa.