karang dengen bawa barisan besar telah daleng di ini negri. Kadatengankoe ini, sabenernja ada dengan maksoed hendak laloeken rahajat di ini tempat, agar iaorang bisa masoek dalem kalangan sopan ; tetapi siapa njana Beng Hek itoe soeda pergi mengoempet di dalem laen gowa, hingga akoe poenja soldadoe jang moesti pergi tjari padanja soeda kasalahan minoem aer di djoerang gagoe.
Sedeng begitoe, soekoer sekali kemaren Hok Pho Tjiangkoen almarhoem soeda oendjoek kasaktiannja dengen membilang, bahoea Ko-Soe ada mempoenjai soember jang aernja boleh diboeat obat aken semboekei iaorang poenja penjakit. Dari sebab begitoe, hareplah dengen berlakoe moera Ko-Soe soeka briken itoe aer boeat menoeloeng djiwanja itoe sekalian soldadoe."
„Soenggoe akoe merasa njesel sekali, tjoema dari sebab hendak bertemoe pada saorang pagoe noengan Jang tiada bergoena sebagi akoe ini, Sinsiang soeda moesti tjapeken diri boeat dateng di ini tempat," kata orang pertapaän itoe dengen swara doeka : „Itoe soember jang Sinsiang maksoedken betoel letaknja di blakang ini goeboek. Soeroe sadja itoe orang orang pergi di blakang boeat ambil itoe aer."
Itoe pengawal-ketjil lantas anter Ong Peng dan itoe sekalian soldadoe gagoe pergi ka blakang boeat minoem aer.