dapet liat di saät itoe moesoe jang semboeni telah kaloear dan mendatengin dari ampat pendjoeroe.
Tan Sit maoe lantas moendoer kombali, tapi tida bisa, oleh kerna itoe waktoe moesoe telah berdjedjal di itoe djalanan dan lantas koeroeng padanja begitoe rapet, seperti tahang besi jang tida maoe kasi moeatannja botjor ka loear.
Ia tjoba menerdjang ka kiri, menoblos ka kanan,tapi siasia, ia tida bisa terlepas dari itoe kepoengan.
Soekoer djoega salagi ia kapoetoesan akal, tiba- tiba ia dapet denger swara riboet dan satelah ia menengok ka djoeroesan dari mana itoe swara mendatengin, lantaslah dapet liat satoe berisan menjerang masoek djoega ia ka dalem kepoengan moesoe.
Itoelah ada barisan jang dikapalaken oleh Goel Jan, dan dengen pertoeloengannja ini panglima, sigra djoega Tan Sit itoe soeda terlepas dari itoe pager sendjata sama-sama ampat atawa lima ratoes soldadoe jaitoe raroentoek dari itoe barisan jang ia pimpin, jang terdiri dari lima riboe djiwa.
Tapi maski poen telah terlepas dari itoe kepoengan, blonlah tentoe iaorang nanti terlepas djoega dari pengedjeran moesoe, djlkaloe kamoedian ia orang tida disamboet oleh Touw Keng dan Thio Gie, jang telah beroentoeng dapet oendoerken moesoe jang mengedjer itoe.
Sekarang baroelah Goel Jan dan Tan Sit pertjaja,