Lompat ke isi

Halaman:Boekoe tjerita Sam Kok (Jilid ke 49-55).pdf/530

Dari Wikisumber bahasa Indonesia, perpustakaan bebas
Halaman ini telah diuji baca
— 4444 —

djoega kaloearken itoe perkataän boeat menista orang. Tapi ati-ati! kaloe satoe tempo akoe dapet tangkep padamoe. akoe nanti tjingtjang kau poenja mait sampe djadi berlaksa potong!"

Saäbisnja berkata begitoe, dengen toembak melintang Thio Kap lantas lepas koedanja boeat menandjak di itoe boekit.

Tapi sigra djoega ia moesti moendoer kombali, sebab anak pana dan batoe-batoe jang dilepas dari atas goenoeng toeroennja seperti oedjan. Sekarang Thio Kap poeter toembaknja mengamoek ka loear dari kepoengan moesoe, sedeng tiada satoe orang brani tangkis padanja.

Tee Leng masi tinggal terkepoeng di dalem itoe barisan, oleh kerna ia tida ada begitoe gaga seperti Thio Kap.

Tapi Thio Kap jang telah kaloear sigra djoega balik kombali dan menoeloeng pada Tee Leng, sebab tempo soeda sampe di loear, ia dapet kanjataän, kawannja ini blon terlepas dari itoe kepoengan.

Satelah orang jang ditoeloeng itoe soeda terlepas, lantas djoega sama-sama ini temen dan barisannja Thio Kap balik ka djalanan tadi boeat poelang ka pasanggrahan sendiri.

Khong Beng jang berdiam di poentjak boekit tentoe telah saksiken dengen mata sendiri begimana itoe waktoe Thio Kap jang menjerang moendar-mandir dalem itoe barisan dengen tiada dapet