Lompat ke isi

Halaman:Boekoe tjerita Sam Kok (Jilid ke 49-55).pdf/498

Dari Wikisumber bahasa Indonesia, perpustakaan bebas
Halaman ini telah diuji baca
— 4416 —

Houwtjoe lantas toeroet itoe ferdana mantri poenja nasehat.

Sri Baginda lantas prenta Tan Tjin bawa koeda, iketan pinggang jang tertata batoe permata, emas, moetiara dan berbagi-bagi moestika ka negri Tong Gouw boeat menganter pada Seen Kwan.

Tan Tjin lantas berangkat, dan koet ka ia sampe di negri Tong Gouw, sigra ia dateng di astana karadjaän, laloe persembaken barang bawaännja, demikian poen soerat dari pamerentanja, kapada itoe Keizer baroe.

Soen Kwan girang sekali dapat trima itoe berbagi-bagi barang bingkesan. Ia lantas bikin pesta boeat kahormatannia itoe tetamoe.

Koetika itoe oetoesan soeda berangkat poelang, pada sasoeda dapet balesan kabar dari Soen Kwan, ini Keizer lantas minta Liok Soen dateng padanja.

Ia tjeritaken pada ini panglima besar dari hal, pamerenta Siok ada kirim oetoesan boeat minta ia ambil bagian dalem perkara madjoeken balatentara boeat me'njerang pada neg i Goei.

Dengen ampir tiada berpikir lagi Liok Soen lantas bisa bilang, jang itoe perkara soeda terbit dari Khong Beng poénia pikiran, sebab ini ferdana mantri ada merasa djeri pada Soe-Ma le.

„Aken tetapi." begitoe itoe panglima menjataken pikirannja lebi djaoe: „kerna kita memang ada djadi kawan persariketannja itoe pamerenta, maka sekarang maoe atawa tida, kapaksa kita moesti menoeroet