Baginda Tong dan Gie, sedeng dalem ilmoe soerat dan ilmoe perang poen haroes dibilang Tjoekong ada pande sekali. Dari itoe baeklah Tjoekong lantas doedoek bertachta mendjadi Keizer, soepaja kamoedian kita boleh geraken pasoekan perang."
„Apa jang Tjoe Poh bilang, sasoenggoenja djoega ada bener sekali," demikianlah itoe mantri-mantri toendjang Thio Tjiauw poenja bitjara.
Dengen begitoe, lantaslah djoega itoe perkara jang dibitjaraken soeda mendjadi tetep.
Satoe panggoeng boeat penerimaän makota lantas didiriken di loear kota Boe Tjhlang pada djoeroesan sebla Barat, sedeng hari boeat itoe karajahan poen soeda ditentoeken pada hari Plain di boelan Siegwee.
Itoe hari semoea mantri lantas oendang Soen Kwan naek di itoe panggoeng boeat trima makota Keizer.
Taon Hongboe dari karadjaän Gouw jang soeda berdjalan kadelapan, ditoekar dengen nama Hongliong dan diitoeng moelai dari pertama lagi.
Sasoeda angkat diri sendiri mendjadi Keizer. Soen Kwan koerniaken pada Soen Kian, almarhuem ajahandanja, gelaran Boeliat Hongtee; pada Gouw sie, almarhoem iboendanja, gelaran Boeliat Honghouw dan pada Soen Tjhek, almarhoem kakandanja, gelaran Tiangsé Hoan-ong.
Poetra sendiri jang bernama Soen Teng, Soen Kwan angkat mendjadi poetra-makota, serta angkat