Dari sebab adanja ini rasa kwatir, maka di Itoe malem Khong Beng melaenken prenta barisannja jang paling blakang moendoer doeloean serta melaenken tinggalken bebrapa pengawal boeat saban djam poekoel lotjeng dalem pasanggrahannja.
Samaleman sadja ia poenja balatentara soeda moendoer semoea, djadi pada esoknja pagi melaenken pasanggrahan kosong tinggal berdiri di itoe tempat. Sedeng begitoe, moesoe masi blon mendapet taoe.
Doea hari kamoedian, sedeng Tjo Tjin doedoek memikirken itoe karoesakan jang ia baroe dapet tiba-tiba orang dateng wartaken, Tjo Tjiangkoen Thio Kap dengen satoe barisan telah sampe di itoe tempat.
Tapi sablon Tjo Tjin bilang apa-apa, itoe panglima soeda masoek dalem kantoornja dan berkata pada Tjo Tjin:
„Akoe dateng di sini dengen titanja firman boeat trima Touwtok poenja prenta."
„Apa tatkala maoe berangkat kau ada bertemoe pada Tiong Tat?" menanja Tjo Tjin.
„Boekan sad ja ketemoe," menjaoet Thio Kap: „malah ia ada bilang djoega, kaloe fihak kita dapet kamenangan, tentoe moesoe tlda lantas moendoer; tapi manakala kita poenja barisan dapet karoesakan, tentoe dengen sigra moesoe lantas berangkat poelang. Apa Touwtok soeda soeroe