Lompat ke isi

Halaman:Boekoe tjerita Sam Kok (Jilid ke 49-55).pdf/457

Dari Wikisumber bahasa Indonesia, perpustakaan bebas
Halaman ini telah diuji baca
— 4375 —

Tida lama poela ia dapet kabar dari hal Tin Tjhong ada di dalem bahaja, maka sigra djoega ia prenta Ong Song pergi menoeloeng.

Kamoedian Tjo Tjin trima warta, jang di sana, itoe Sianhong telah dapet banjak pahala dan dapet boenoe bebrapa moesoe, dan begimana ini perkara ada menggirangken sanget ia poenja hati, itoelah tida perloe ditjeritaken lagi.

Tapi sedeng hati ada merasa girang, la tida loepa angkat Tiong Houwkoentaijtjiang Hoei Jauw boeat wakilken djabatan Tjianphouw, serta prenta. Ini panglima pimpin masing-masing ponggawa perang jang dititaken mendjaga tempat-tempat jang penting.

Pada bebrapa hari kamoedian, sedeng la lagi doedoek di kantoor, tiba-tiba orang dateng wartaken, sala satoe ponggawa perang beroentoeng dapet tangkep mata-mata moesoe di soeatoe djalanan goenoeng.

„Bawa dia masoek di sini," kata Tjo Tjin pada pembawa kabar.

Tida lama lagi itoe orang tawanan soeda berloetoet di hadepannja dan berkata:,,Akoe jang renda ini, sabenernja boekan mata-mata atawa orang lang berniat djahat, hanja ada satoe soeroehan jang sengadja dateng di sini boeat sampeken satoe resia pada Touwtok, tapi soeda ditangkep dengen kliroe oleh Touwtok poenja penjoeloe ka-